人生起跌

講既係唐英年。近日佢面對僭建醜聞時表現之差勁縮骨，社會上已經係一面倒既劣評，我都唔想再插多幾句。只係忍唔住想: 唐英年富家子弟出生，生活一直富裕無憂，近十年扶搖直上，無風無浪官至政務司司長，更差一步便要成為香港首長。點想到正正係自以為快到風光人生最頂點時，突然要面對排山倒海的打擊和壓力(雖然都唔怪得人)。一時間，自身的缺點逐一被暴露批評，一言一行成為公眾笑柄，被惡搞、被嘲弄，彷彿一下子由天堂墜落地獄。

命運之事，往往在你意想不到的時候便給你來一記逆轉! 而伏筆原來又早已在你生命的不同時刻鋪排好。